A Hundred Pipers
Words:
Lady Nairne
(1766–1845)
This song is from the 1745 Jacobite Rising, when Scotland's Bonnie Prince Charlie led his army,
accompanied by a hundred pipers, into Edinburgh and occupied the Castle.
Melody:
Traditional
Chorus:
Wi' a hundred pipers, a' a', an' a',
Wi' a hundred pipers, a' a', an' a',
We'll up an' gie them a blaw, a blaw
Wi' a hundred pipers, a' a', an' a'.

O it's owre the border awa', awa'
It's owre the border awa', awa',
We'll on an' we'll march to Carlisle ha'
Wi' its yetts, its castle an' a', an a'.

Chorus

Oh! our sodger lads looked braw, looked braw,
Wi' their tartan kilts an' a', an' a',
Wi' their bonnets an' feathers an' glitt'rin' gear,
An' pibrochs sounding loud and clear.

Chorus

Will they a' return to their ain dear glen?
Will they a' return oor Heilan' men?
Second sichted Sandy looked fu' wae.
An' mithers grat when they march'd away.

Chorus

 

Oh! wha' is foremos o' a', o' a',
Oh wha' is foremost o' a', o' a',
Bonnie Charlie the King o' us a', hurrah!
Wi' his hundred pipers an' a', an ' a'.

Chorus

His bonnet and feathers he's waving high,
His prancing steed maist seems to fly,
The nor' win' plays wi' his curly hair,
While the pipers play wi'an unco flare.

Chorus

The Esk was swollen sae red an' sae deep,
But shouther to shouther the brave lads keep;
Twa thousand swam owre to fell English ground
An' danced themselves dry to the pibroch's sound.

Chorus

Dumfoun'er'd the English saw, they saw,
Dumfoun'er'd they heard the blaw, the blaw,
Dumfoun'er'd they a' ran awa', awa',
Frae the hundred pipers an' a', an ' a'.
 

Printer Friendly
Verison
Return to Home Page Return to Words to Pipe Tunes
Return to Bagpipe Instructional Section